प्रकाशन दिनांक: 04-04-2025

गुजरातच्या सुरत जिल्ह्यातील किम नदीवरील बुलेट ट्रेन प्रकल्पासाठीचा एक पूल १५ मार्च २०२५ रोजी पूर्ण करण्यात आला आहे. गुजरातमध्ये या प्रकल्पासाठी पूर्ण झालेला हा १४ वा नदी पूल आहे. गुजरातच्या हद्दीत एकूण २१ नदी पूल बांधले जाणार आहेत.

या नदी पुलाचा तपशील खालीलप्रमाणे आहे:

• लांबी - १२० मीटर
• यात प्रत्येकी ४० मीटर लांबीच्या ३ 'फुल स्पॅन गर्डर्स'चा (पूर्ण विस्ताराच्या तुळयांचा) समावेश आहे
• पुलाच्या खांबांची (piers) उंची १२ मीटर ते १५ मीटर दरम्यान आहे
• ४ मीटर व्यासाचे चार (०४) गोलाकार खांब
• हा पूल सुरत आणि भरूच या बुलेट ट्रेन स्थानकांच्या दरम्यान स्थित आहे
• या दोन स्थानकांच्या दरम्यान असलेले तापी आणि नर्मदा नद्यांवरील इतर पूल सध्या बांधकामाधीन आहेत
• हा पूल सुरत आणि भरूच या दोन्ही बुलेट ट्रेन स्थानकांपासून अंदाजे ३० किलोमीटर अंतरावर आहे

गुजरातमध्ये या मार्गावर (कॉरिडॉरवर) पूर्ण झालेले इतर नदी पूल खालीलप्रमाणे आहेत: पार (वलसाड जिल्हा), पूर्णा (नवसारी जिल्हा), मिंढोला (नवसारी जिल्हा), अंबिका (नवसारी जिल्हा), औरंगा (वलसाड जिल्हा), वेन्गानिया (नवसारी जिल्हा), मोहर (खेडा जिल्हा), ढाढर (वडोदरा जिल्हा), कोलक (वलसाड जिल्हा), वात्रक (खेडा जिल्हा), कावेरी (नवसारी जिल्हा), खरारा (नवसारी जिल्हा) आणि मेश्वा (खेडा जिल्हा).