प्रकाशन दिनांक: 14-11-2025

पंतप्रधान श्री नरेंद्र मोदी 15 नोव्हेंबर रोजी गुजरातला भेट देणार आहेत. सकाळी सुमारे 10 वाजता ते सुरत येथे बांधकामाधीन बुलेट ट्रेन स्थानकाला भेट देऊन मुंबई–अहमदाबाद हाय-स्पीड रेल कॉरिडॉर (MAHSR) च्या प्रगतीचा आढावा घेतील.

MAHSR सुमारे 508 किमी लांबीचा असून त्यातील 352 किमी गुजरात आणि दादरा आणि नगर हवेलीमध्ये आणि 156 किमी महाराष्ट्रात आहे. हा मार्ग साबरमती, अहमदाबाद, आनंद, वडोदरा, भरूच, सुरत, बिलीमोरा, वापी, बोईसर, विरार, ठाणे आणि मुंबई यांना जोडतो.

या प्रकल्पात आधुनिक अभियांत्रिकी तंत्रज्ञानाचा वापर केला गेला आहे. सुमारे 465 किमी मार्ग व्हायाडक्टवर आहे. आतापर्यंत 326 किमी काम पूर्ण झाले असून 25 पैकी 17 नदी पूल पूर्ण झाले आहेत.

प्रकल्प पूर्ण झाल्यानंतर मुंबई ते अहमदाबाद प्रवास वेळ सुमारे दोन तासांवर येईल, ज्यामुळे प्रवास अधिक जलद आणि सोयीस्कर होईल. यामुळे व्यवसाय आणि पर्यटनाला चालना मिळेल.

सुरत–बिलीमोरा विभाग (सुमारे 47 किमी) प्रगत टप्प्यात आहे. सुरत स्टेशनचे डिझाइन हिऱ्यांच्या उद्योगावर आधारित आहे. येथे प्रवाशांसाठी प्रतीक्षालय, स्वच्छतागृहे आणि दुकाने उपलब्ध असतील.